1 აშშ დოლარის ოფიციალური ღირებულება 2.6975 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად, აშშ დოლარის ღირებულებამ 2.6975 ლარი შეადგინა. კურსი, რომელიც დღეს მოქმედებდა, 2.7031 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0056 ლარი შეადგინა.
რაც შეეხება ევროს, მისი კურსი 3.1895 ლარია. მაშინ, როცა დღეს მოქმედი კურსი 3.2070 ლარს შეადგენდა. შესაბამისად, ევროს ცვლილებამ 0.0175 ლარი შეადგინა.
დღევანდელი ვაჭრობის შედეგად მიღებული კურსები ხვალიდან შევა ძალაში.
კატეგორიები:
ეკონომიკა
მსგავსი სიახლეები

მსოფლიო ბანკთან ერთად ახალ საგრანტო პროგრამას ვიწყებთ, რომლის ჯამური მოცულობა 2 მლნ ლარია-დიმიტრი ქუმსიშვილი

პრემიერ-მინისტრმა ფინანსთა მინისტრს, მამუკა ბახტაძეს სხდომაზე საკანონმდებლო პაკეტის ინიცირების გამო მადლობა გადაუხადა.„მცირე მეწარმეებისთვის 5-ჯერ ვამცირებთ ბრუნვის გადასახადს და 5%-ის ნაცვლად იქნება 1%-იანი ბრუნვის გადასახადი“,- ამის შესახებ გიორგი კვირიკაშვილმა მთავრობის დღევანდელ სხდომაზე განაცხადა. პრემიერ-მინისტრმა ფინანსთა მინისტრს, მამუკა ბახტაძეს სხდომაზე საკანონმდებლო პაკეტის ინიცირების გამო მადლობა გადაუხადა. “მეწარმეობის განვითარება ჩვენთვის არის ძალიან მნიშვნელოვანი პრიორიტეტი, განსაკუთრებით, მცირე მეწარმეობის. პარლამენტში მთავრობის დამტკიცების დროს, სიტყვით გამოსვლისას, მე ვისაუბრე, რომ ჩვენ ვიწყებთ მცირე ბიზნესის ხელშეწყობის მეორე ტალღას, მას შემდეგ, რაც წარმატებით ხორციელდება პროგრამები – „აწარმოე საქართველოში”, სოფლის მეურნეობის მიმართულებით არსებული პროგრამები – „დანერგე მომავალი” და ა.შ. ჩვენ შემოვდივართ ახალი ინიციატივით. ახალი საგადასახადო ინიციატივა ითვალისწინებს მცირე მეწარმეებისათვის დაბეგვრის შეღავათიანი საგადასახადო რეჟიმის დაწესებას. კერძოდ, მცირე მეწარმეებისთვის 5-ჯერ ვამცირებთ ბრუნვის გადასახადს და 5%-ის ნაცვლად იქნება 1%-იანი ბრუნვის გადასახადი. ამასთან მცირე ბიზნესად დღეს თუ ითვლება 100 000 ლარამდე ბრუნვის მქონე საწარმო, ამ კატეგორიაში 500 000 ლარამდე ბრუნვის საწარმო ჩაითვლება და ჩვენ ვფიქრობთ, რომ ეს არის მართლაც ძალიან მნიშვნელოვანი შვება მცირე მეწარმეობით დაკავებული ადამიანებისთვის, ძალიან მნიშვნელოვანი შემცირება საგადასახადო ტვირთის და, რა თქმა უნდა, წახალისება ახალი მეწარმეებისა, რომელთაც სურთ საქმიანობის წამოწყება. მე დარწმუნებული ვარ, რომ ჩვენი მეწარმეები აიტაცებენ ამ ინიციატივას, გაჩნდება ახალი საწარმოების შემქნის ინიციატივები და ეს იქნება ძალიან მნიშვნელოვანი ახალი ჟანგბადი მცირე მეწარმეებისთვის, მათი საწარმოების განვითარებისთვის“,- განაცხადა გიორგი კვირიკაშვილმა.

ჩვენი მიზანია, სიცოცხლე შევძინოთ იმ პროექტებს, რომლებიც კაპიტალის ნაკლებობის გამო ვერ ხორციელდება ჩვენს ეკონომიკაში-მამუკა ბახტაძე
