ზაზა გაბუნია – ქართული მედიის შემდეგ, გრიგოლ ვაშაძემ უცხოური მედიიდანაც გვითხრა, რომ 7 ნოემბრის შემოქმედთ პოლიტიკაში დააბრუნებს

ზაზა გაბუნია – ქართული მედიის შემდეგ, გრიგოლ ვაშაძემ უცხოური მედიიდანაც გვითხრა, რომ 7 ნოემბრის შემოქმედთ პოლიტიკაში დააბრუნებს

საქართველოს პარლამენტის რეგიონული პოლიტიკის და თვითმმართველობის კომიტეტის თავმჯდომარე ზაზა გაბუნია, “ნაციონალური მოძრაობის” საპრეზიდენტო კანდიდატის, გრიგოლ ვაშაძის “დოიჩე ველესთან” გაკეთებულ განცხადებას ეხმაურება. დეპუტატის თქმით, სამარცხვინო სიყალბეა 7 ნოემბერზე თანაგრძნობით საუბარი, როცა იქვე ამბობ, რომ იმ სისხლიანი დღის შემოქმედთ შეიწყალებ. ამით გრიგოლ ვაშაძემ ქართული მედიის შემდეგ, უცხოური მედიიდანაც გვითხრა, რომ 7 ნოემბრის შემოქმედთ პოლიტიკაში დააბრუნებს. ამ ინტერვიუში ძველებურად ღიად იმუქრება, რომ არჩევის შემთხვევაში, 7 ნოემბრის და ძალადობრივი რეჟიმის ყველა ავტორს, ყველა მწამებელს შეიწყალებს, დაწყებული სააკაშვილით და ახალაიათი, დასრულებული მეგის ქარდავათი და ყავარჯნებიანი უბირიათი.
ჩვენ გვაქვს არაორდინალური ვითარება, როდესაც პრეზიდენტობის კანდიდატი გვპირდება, რომ ყველაფერს გააკეთებს, ქვეყანაში პროცესების რადიკალიზაციისა და მასობრივი არეულობის მოწყობისთვის. დარწმუნებულნი ვართ, საზოგადოება ამას მათი ყველაზე ძლიერი იარაღით, საარჩევნო ხმით გასცემს საკადრის პასუხს”, – აცხადებს ზაზა გაბუნია.

კატეგორიები: პოლიტიკა

კომენტარები

მსგავსი სიახლეები