ვანისა და ბაღდათის მიტროპოლიტი, ანტონი, კანაფის შესაძლო ექსპორტირების საკითხს გამოეხმაურა

ვანისა და ბაღდათის მიტროპოლიტი, ანტონი, კანაფის შესაძლო ექსპორტირების საკითხს გამოეხმაურა

ვანისა და ბაღდათის მიტროპოლიტი, ანტონი, კანაფის შესაძლო ექსპორტირების საკითხს გამოეხმაურა.
როგორც მან კონფერენციაზე „ნარკოპოლიტიკა საქართველოში გამოწვევები და საერთაშორისო გამოცდილება” განაცხადა, ამით საქართველოს იმიჯი მნიშვნელოვნად შეილახება მსოფლიო საზოგადოებაში.
„საერთოდ, ჩვენ ეკლესიის დანიშნულება ვიცით, როდესაც ეკლესიას შეადარებ ადამიანის ორგანიზმს, ის ასრულებს იმუნური სისტემის როლს, რომელიც უცხო ბაქტერიისგან იცავს ორგანიზმს. ფაქტობრივად, ეს არის ეკლესიის დანიშნულება. ჩვენ მართალია გამიჯნულები ვართ და ეკლესია და სახელმწიფო გაყოფილნი არიან, მაგრამ საზრუნავი ერთი და იგივე გვაქვს. ამიტომ, ჩვენ აზრს ყოველთვის გამოვხატავთ. ერთმნიშვნელოვანია, რომ ნარკოტიკი ზემოქმედებს ადამიანზე და მის ჩამოყალიბებაზე. მრჩება ასეთი აზრი, რომ ყველა ცალ-ცალკე თანახმა ვართ, მაგრამ რაღაცის მძევლები ვართ. თვითონ შევქმენით რაღაც, რასაც ვერ ვახტებით. ჩვენ მთლიანად წაგვლეკავს ეს. ეს არ გვშვენის ქართველებს. ჩვენი ქართული იმიჯიც, რომელიც ჩვენ ნამდვილად გვაქვს, დამერწმუნეთ, შეილახება. ჩვენ არც ერთ დროში არ გვიცნობდნენ, ასე რომ ვთქვათ, „ბარიგებად“. ყველაფერი გადავა უკან და ერთ-ერთი ქვეყანა ვიქნებით ამ კუთხით წინა პლანზე. ამიტომ, თითოეული ჩვენგანის თხოვნაა მაქსიმალურად პარლამენტის უმრავლესობამ მოძებნოს გზა და რაღაცნაირად ვთქვათ ამაზე უარი”, – განაცხადა მეუფე ანტონმა.

კატეგორიები: საზოგადოება

კომენტარები

მსგავსი სიახლეები