„თუკი ადვოკატი 3 იანვარს კიდევ მოითხოვს პროცესის გადადებას, მივმართავ საქართველოს ადვოკატთა ასოციაციას, მის მიმართ დისციპლინური პასუხისმგებლობის საკითხზე იმსჯელოს“- ირაკლი ნადარეიშვილი

„თუკი ადვოკატი 3 იანვარს კიდევ მოითხოვს პროცესის გადადებას, მივმართავ საქართველოს ადვოკატთა ასოციაციას, მის მიმართ დისციპლინური პასუხისმგებლობის საკითხზე იმსჯელოს“- ირაკლი ნადარეიშვილი

„თუკი ადვოკატი 3 იანვარს კიდევ მოითხოვს პროცესის გადადებას, მივმართავ საქართველოს ადვოკატთა ასოციაციას, მის მიმართ დისციპლინური პასუხისმგებლობის საკითხზე იმსჯელოს“, – ამის შესახებ მიხეილ სააკაშვილის საქმის პროკურორმა ირაკლი ნადარეიშვილმა სასამართლო სხდომის დასრულების შემდეგ განაცხადა, სადაც სააკაშვილის სახაზინო ადვოკატმა დასკვნითი სიტყვა კვლავ არ წარადგინა და პროცესის გადადება კიდევ ერთხელ მოითხოვა. ინფორმაციას 1tv ავრცელებს.

საქმის პროკურორი ჟურნალისტების შეკითხვებს შეურაცხმყოფელი შეძახილების პარალელურად პასუხობდა, ირაკლი ნადარეიშვილს მიხეილ სააკაშვილის მხარდამჭერები სიტყვიერად დაუპირისპირდნენ.

სააკაშვილის სახაზინო ადვოკატი პროცესის დაჩქარებას პოლიტიკურ პროცესებს უკავშირებს. სოფიო გოგლიჩიძის განცხადებით, მოსამართლემ მისი შუამდგომლობა პროცესის 12 იანვრამდე გადადების შესახებ არ დააკმაყოფილა.

მოსამართლის გადაწყვეტიებით სააკაშვილის სახაზინო ადვოკატმა დაცვითი სიტყვა 3 იანვარს უნდა წარმოთქვას.

დღეს ბრალდების მხარემ დოკუმენტები წარადგინა, რომლის მიხედვითაც გოგლიჩიძე 14 დეკემბრიდან დღემდე დატვირთული არ ყოფილა სხვა პროცესებით და სააკაშვილის სისხლის სამართლის საქმის მასალების გაცნობა უნდა მოესწრო.

სანდრო გირგვლიანის საქმის ერთ-ერთ ეპიზოდზე ყოფილ პრეზიდენტს პროკურატურა უფლებამოსილების ბოროტად გამოყენებას ედავება.

საქმე უკვე დასკვნით ეტაპზეა. სააკაშვილმა, სასამართლოს უნდობლობის მოტივით, დაქირავებული კერძო ადვოკატები აიცილა. მის საქმეში სახაზინო ადვოკატი ჩაერთო.

კატეგორიები: სამართალი

კომენტარები

მსგავსი სიახლეები