თბილისის მერი კახა კალაძე აცხადებს, რომ მისი გუნდი ოპოზიციასთან შეხვედრის მზაობას კვლავ გამოთქვამს

თბილისის მერი კახა კალაძე აცხადებს, რომ მისი გუნდი ოპოზიციასთან შეხვედრის მზაობას კვლავ გამოთქვამს

თბილისის მერი კახა კალაძე აცხადებს, რომ მისი გუნდი ოპოზიციასთან შეხვედრის მზაობას კვლავ გამოთქვამს. ამის შესახებ დედაქალაქის მერიის მიერ გავრცელებულ განცხადებაშია ნათქვამი.

„წინასაარჩევნო პერიოდში არაერთხელ გამოვთქვი მზაობა და დღესაც მინდა განვაცხადო, რომ ჩემს გუნდს, პირადად მე, დაგეგმილი გვაქვს ოპოზიციასთან შეხვედრა და მათთვის ჩვენი ხედვების, კონკრეტული პროექტების, გეგმების გაზიარება. საგულისხმოა, რომ დღეს საკრებულოს ოპოზიციამაც გამოთქვა შეხვედრის სურვილი.

ჩვენ მზად ვართ, ნებისმიერ ოპოზიციურად განწყობილ ჯგუფთან ვისაუბროთ საქმეებზე, რომელიც რეალურად მნიშვნელოვანია თბილისისა და თბილისელებისთვის და არა გამოგონილ პრობლემებზე. ჩვენი პოზიციაა, რომ კონსტრუქციული თანამშრომლობა შეიძლება შედგეს ყველა პოლიტიკურ ჯგუფთან, ვისაც თბილისისთვის საქმის კეთება სურს“,- ნათქვამია განცხადებაში.

კატეგორიები: პოლიტიკა

კომენტარები

მსგავსი სიახლეები