შვეიცარიის პოლიციამ საქართველოს ორი მოქალაქე დააკავა. ერთ-ერთი მათგანი ყაჩაღობისთვის იძებნებოდა. ამის შესახებ ipn-ი წერს.
არსებული ინფორმაციით, ქალაქ აარგაუს პოლიციამ „რენოს“ მარკის ავტომობილი შეამოწმა, რომელსაც ფრანგული სანომრე ნიშნები ჰქონდა. შემოწმებისას ორმა ქართველმა საფრანგეთში გაცემული საბუთები წარადგინა და განაცხადა, რომ ბადენში მანქანის საყიდლად მიემგზავრებოდნენ.
პოლიციამ დაკავებული პირები განყოფილებაში გადაიყვანა, სადაც დეტალურად შეამოწმეს. გაირკვა, რომ ერთ-ერთი პირი ყაჩაღობისთვის იძებნებოდა.
ასევე მანქანაში აღმოაჩინეს მოპარული ნივთები, ქურდობისთვის საჭირო ინსტრუმენტები და მცირე ოდენობით ნარკოტიკული ნივთიერება.
კატეგორიები:
სამართალი
