შსს-ს თანამშრომლების მასობრივი ვაქცინაცია რეგიონებში აქტიურ რეჟიმში მიმდინარეობს

შსს-ს თანამშრომლების მასობრივი ვაქცინაცია რეგიონებში აქტიურ რეჟიმში მიმდინარეობს

შინაგან საქმეთა სამინისტროს სხვადასხვა დანაყოფის თანამშრომლების COVID-19-ის საწინააღმდეგო მასობრივი ვაქცინაცია, თბილისის პარალელურად, რეგიონებშიც აქტიურად მიმდინარეობს.

შინაგან საქმეთა სამინისტროს დაცვის პოლიციის დეპარტამენტის იმერეთი-გურიის სამმართველოს თანამშრომლები ქუთაისში, ჩხობაძის სახელობის მრავალპროფილურ სამედიცინო დაწესებულებაში აიცრნენ.

რეგიონებში, ისევე როგორც დედაქალაქში არსებულ იმუნიზაციის ცენტრებში მოწყობილია ვაქცინაციის კაბინეტები, რომლებიც შესაბამისი სამედიცინო საშუალებებით არის აღჭურვილი, რაც უზრუნველყოფს ვაქცინაციის პროცესის და მისი შემდგომი პერიოდის მეთვალყურეობის უსაფრთხო გარემოში ჩატარებას.

სამინისტროს თანამშრომლებს მთელი ქვეყნის მასშტაბით კვირის ნებისმიერ დღეს შეუძლიათ, წინასწარი რეგისტრაციის გარეშე, „ფაიზერის”, „სინოვაკის” ან „სინოფარმის“ ვაქცინით აიცრან.

ამ ეტაპზე, შინაგან საქმეთა სამინისტროს თანამშრომლების 60% -ზე მეტი უკვე აცრილია, მათი ძირითადი ნაწილი სრულად ვაქცინირებულია.

კატეგორიები: სამართალი

კომენტარები

მსგავსი სიახლეები