შსს-მ ყანდაურაში ოთხი ადამიანის მკვლელობის საქმეზე ბრალდებულის შვილიშვილი დააკავა

შსს-მ ყანდაურაში ოთხი ადამიანის მკვლელობის საქმეზე ბრალდებულის შვილიშვილი დააკავა

შინაგან საქმეთა სამინისტრომ სოფელ ყანდაურაში მომხდარი ოთხი ადამიანის მკვლელობის საქმეზე ბრალდებული ომარ გამყრელიძის შვილიშვილი დააკავა. ინფორმაციას შსს-ში ადასტურებენ.

გამოძიება დაკავებულს ცეცლსასროლი იარაღისა და საბრძოლო მასალის შენახვა-ტარებას ედავება, საქმეზე გამოძიება მიმდინარეობს სისხლის სამართლის კოდექსის 236-ე მუხლით.

სამართალდამცველების ინფორმაციით, სოფელ ყანდაურაში 85 წლის მამაკაცმა ცეცხლსასროლი იარაღით შვილი, რძალი და ორი მეზობელი მოკლა, ავადმყოფი მეუღლე კი, დაჭრა. გამოძიება ოჯახური ძალადობის ნიადაგზე დამამძიმებელ გარემოებებში ჩადენილი განზრახ მკვლელობის მუხლით მიმდინარეობს.

შსს-ს ინფორმაციით, სოფელ ყანდაურაში სროლა ორი სხვადასხვა იარაღით განხორციელდა, შემთხვევის ადგილიდან ამ ეტაპზე მხოლოდ ერთია ამოღებული.

კატეგორიები: სამართალი

კომენტარები

მსგავსი სიახლეები