იუსტიციის უმაღლეს საბჭოში უზენაესი სასამართლოს მოსამართლეების შერჩევის საჯარო მოსმენაზე შალვა თადუმაძეს უსმენენ.
უზენაესი სასამართლოს მოსამართლეობის კანდიდატმა, გენერალურმა პროკურორმა შალვა თადუმაძემ განმარტა, რას ნიშნავს მისთვის მოსამართლეობა.
მისი თქმით, მოსამართლის გადაწყვეტილება შეიძლება, მხარეებს არ მოსწონდეთ, მაგრამ კანონმდებლობა აძლევს მას შესაძლებლობას, საბოლოო გადაწყვეტილება მიიღოს.
„მართლმსაჯულების ღმერთისგან მოსახლეობა კანონის უზენაესობას ელოდება. შეიძლება უარყო, დაგმო მოსამართლის გადაწყვეტილება, თქვა, რომ არ მოგწონს ის, მაგრამ კანონმდებლობა მას აძლევს შესაძლებლობას, რომ მისი საბოლოო გადაწყვეტილება საბოლოოდ აღსრულდება. ეს ხატოვანი გამოთქმაა, მაგრამ მიახლოებულია იმ პოზიციასთან, რა პოზიციაც მე მაქვს მოსამართლეების მიმართ.
მიმაჩნია, რომ მართლმსაჯულების სისტემაში უმნიშვნელოვანესი რგოლი, უმნიშვნელოვანესი სტატუსი და ხელისუფლების უმნიშვნელოვანესი შტო არის სასამართლო ხელისუფლება”, – განაცხადა შალვა თადუმაძემ.
კატეგორიები:
საზოგადოება
