სასამართლომ გიორგი პატარაიასა და ანა წითლიძეს გირაო შეუფარდა

სასამართლომ გიორგი პატარაიასა და ანა წითლიძეს გირაო შეუფარდა

„ერთიანი ნაციონალური მოძრაობის“ ზუგდიდის ორგანიზაციის თავმჯდომარე ანა წითლიძე და პარტიის პრესსამსახურის უფროსი გიორგი პატარაია ზუგდიდის რაიონულმა სასამართლომ წარდგენილ ბრალდებაში დამნაშავედ ცნო და თითოეულ მათგანს 2 000 ლარიანი გირაო შეუფარდა.

გადაწყვეტილება მოსამართლე ირაკლი აბშილავამ ცოტა ხნის წინ მიიღო.

წითლიძე და პატარაია 11 აპრილს, ადმინისტრაციული კოდექსის 166-ე და 173-ე მუხლებით დააკავეს, რაც წვრილმან ხულიგნობასა და პოლიციისადმი დაუმორჩილებლობას გულისხმობს.

ორივე მათგანმა ზუგდიდის პოლიციის სამმართველოს შენობა დაკავებიდან რამდენიმე საათში დატოვა. რაც შეეხება ენმ-ის აქტივისტს მანუჩარ ჩხეტიას, ის მეორე დღეს სასამართლო დარბაზიდან გაათავისუფლეს, თუმცა 19 აპრილს გახდება ცნობილი, დაჯარიმდება თუ არა ბრალდებული.

კატეგორიები: სამართალი

კომენტარები

მსგავსი სიახლეები