საქართველოს პრემიერ-მინისტრმა , გიორგი კვირიკაშვილმა მერობის კანდიდატები წარადგინა
საქართველოს პრემიერმინისტრმა გიორგი კვირიკაშვილმა ქალაქ ახალციხეში სამცხე-ჯავახეთის ექვსივე მუნიციპალიტეტის მერობის კანდიდატები წარადგინა. კვირიკაშილმა სამცხე-ჯავახეთში განხორციელებულ და მომავალში დაგეგმილ პროექტებზე ისაუბრა და რეგიონის დიდ ეკონომიკურ პოტენციალს გაუსვა ხაზი.
„ეს ადამიანები მზად არიან 24 საათი იმუშაონ თითოეული ამ რაიონის მაცხოვრებლის პრობლემების მოგვარებაზე“ განაცხადა კვირიკაშილმა.
სამცხე-ჯავახეთის მუნიციპალიტეტების მერობის კანდიდატები ,,ქართული ოცნებიდან”
ბორჯომის მერობის კანდიდატი – ლევან ლიპარტია,
ახალციხის მერობის კანდიდატი – ზაზა მელიქიძე,
ადიგენის მერობის კანდიდატი – ზაქარია ენდელაძე,
ასპინძის მერობის კანდიდატი – როსტომ მაგრაქველიძე,
ახალქალაქის მერობის კანდიდატი – იურიკ უნანიანი,
ნინოწმინდის მერობის კანდიდატი – ანივარდ მოსოიანი.
