საქართველოს პარლამენტის მუდმივმოქმედი დელეგაციის წევრი ზვიად კვაჭანტირაძე ევროპის საბჭოს საპარლამენტო ასამბლეის სესიაზე სიტყვით გამოვიდა.

საქართველოს პარლამენტის მუდმივმოქმედი დელეგაციის წევრი ზვიად კვაჭანტირაძე ევროპის საბჭოს საპარლამენტო ასამბლეის სესიაზე სიტყვით გამოვიდა.

საქართველოს პარლამენტის მუდმივმოქმედი დელეგაციის წევრი ზვიად კვაჭანტირაძე ევროპის საბჭოს საპარლამენტო ასამბლეის სესიაზე სიტყვით გამოვიდა.
სესიაზე, სადაც ბოსნია და ჰერცოგოვინას მიერ ნაკისრი ვალდებულებების შესრულების ანგარიშზე იმსჯელეს, საქართველოს პარლამენტის წევრმა ყურადღება რამდენიმე საკითხზე გაამახვილა.
ზვიად კვაჭანტირაძის შეფასებით, მიუხედავად ბოსნია და ჰერცოგოვინაში განხორციელებული რეფორმებისა, ქვეყანას ჯერ კიდევ აქვს სამუშაო კანონის უზენაესობის, ეკონომიკური კეთილდღეობისა და დემოკრატიული სტაბილურობის უზრუნველსაყოფად.
„ჩვენ მხარს ვუჭერთ ბოსნიას და ჰერცოგოვინას ევროპასთან დახლოების პროცესში. მოვუწოდებთ ხელისუფლებას, გააგრძელოს საკონსტიტუციო, მართლმსაჯულებისა და პოლიტიკური რეფორმები რათა ევროპული ინტეგრაციისკენ სწრაფვის პროგრესი სტაბილური გახდეს”,- განაცხადა ზვიად კვაჭანტირაძემ. მისივე თქმით, განსაკუთრებულ ყურადღებას მოითხოვს დემოკრატიული ინსტიტუტების გაძლიერება, რაც, კანონის უზენაესობასთან, ადამიანის უფლებების დაცვასთან, თავისუფალ და სამართლიან არჩევნებთან ერთად, თითოეული ქვეყნის პროგრესისთვის სასიცოცხლოდ მნიშვნელოვანია.
სიტყვით გამოსვლისას, ქართველი დეპუტატი რესპუბლიკა სერბსკაში ოკუპირებული სამხრეთ ოსეთის დე-ფაქტო პრეზიდენტის მიერ განხორციელებულ ვიზიტს გამოეხმაურა. ზვიად კვაჭანტირაძემ ხაზგასმით აღნიშნა, რომ ნებისმიერი ქვეყნის სუვერენიტეტისა და ტერიტორიული მთლიანობის აღიარება და პატივისცემა თითოეული დემოკრატიული ქვეყნისთვის ფუნდამენტური მნიშვნელობის საკითხია.
„მსურს, გამოვეხმაურო ოკუპირებული სამხრეთ ოსეთის დე-ფაქტო პრეზიდენტის, ანატოლი ბიბლოვის მიერ ცოტა ხნის წინ განხორციელებულ ვიზიტს რესპუბლიკა სერბსკაში, რესპუბლიკის პრეზიდენტ მილორად დოდიკთან და სერბული ორთოდოქსული ეკლესიის პატრიარქთან გამართულ შეხვედრებს. მიუხედავად იმისა, რომ ეს ვიზიტი გამოცხადდა როგორც კერძო, უნდა აღინიშნოს, რომ ეს არის სეპარატისტული მთავრობის ლეგიტიმაციის პროცესის ნაწილი. საოკუპაციო რეჟიმის წარმომადგენლების ამ ტიპის კერძო ვიზიტები ემსახურება სეპარატისტული მთავრობების ლეგიტიმაციის მიზანს. ეს უკვე დიდი ხანია გრძელდება და მხარდაჭერილია რუსული მხარის მიერ. ეს ფაქტი წარმოადენს საერთაშორისო სამართლის ხელყოფას და რუსეთის მიმდინარე უსამართლო პოლიტიკას საქართველოს მიმართ”,- განაცხადა ზვიად კვაჭანტირაძემ.

კატეგორიები: პოლიტიკა

კომენტარები

მსგავსი სიახლეები