„სალომე ზურაბიშვილის მხარდაჭერით ჩვენ ვაკეთებთ არჩევანს და ვირჩევთ ტრადიციულ ევროპას ნაცვლად ფაშისტურ-ბოლშევიკური მისწრაფებებისა“-კახა კალაძე

„სალომე ზურაბიშვილის მხარდაჭერით ჩვენ ვაკეთებთ არჩევანს და ვირჩევთ ტრადიციულ ევროპას ნაცვლად ფაშისტურ-ბოლშევიკური მისწრაფებებისა“-კახა კალაძე

„სალომე ზურაბიშვილის მხარდაჭერით ჩვენ ვაკეთებთ არჩევანს და ვირჩევთ ტრადიციულ ევროპას ნაცვლად ფაშისტურ-ბოლშევიკური მისწრაფებებისა“, – ამის შესახებ დედაქალაქის მერმა, კახა კალაძემ რუსთაველის თეატრში განაცხადა, სადაც დამოუკიდებელი საპრეზიდენტო კანდიდატი სალომე ზურაბიშვილი ამომრჩევლებს შეხვდა.
კახა კალაძის თქმით, საარჩევნო კამპანია, რომელიც ოპონენტების მხრიდან მიმდინარეობს, შეურაცხმყოფელია.
„დღეს შევიკრიბეთ, რათა გამოვხატოთ ჩვენი თანადგომა, მხარდაჭერა სალომე ზურაბიშვილის მიმართ. ერთი შეხედვით ჩვეულებრივი წინასაარჩევნო აქტივობა და მხარდაჭერის კამპანიის ნაწილია, როდესაც მოქალაქეები, სხვადასხვა პროფესიისა და ასაკის ადამიანები ვიკრიბებით და მხარს ვუჭერთ ჩვენს რჩეულ კანდიდატს, რომელიც შეიძლება ვიღაცას მოსწონდეს, ვიღაცას ნაკლებად. ასეთი არჩევანის გაკეთებისას მთავარია, ვიყოთ გულწრფელი და მართალი იყო საკუთარ თავთან, საკუთარ ქვეყანასთან. ზუსტად უნდა იცოდე, რომ არსებულ ვითარებაში შენ აკეთებ საუკეთესო არჩევანს შენი ქვეყნის მომავლისთვის. როდესაც ჩვენ ვსაუბრობთ არსებულ ვითარებაზე, ყველა კარგად ვხედავთ, როგორ მიდის საარჩევნო კამპანია, როგორია ოპონენტების დამოკიდებულება ჩვენს მიმართ, სალომეს მიმართ, მისი მხარდამჭერების მიმართ და ეს ყველაფერი არის შეურაცხმყოფელი. ჩვენ მათზე მაღლა უნდა დავდგეთ და შევცვალოთ არსებული რეალობა. ის ადამიანებიც კი, გრძელვადიანი პერსპექტივაში, შეიძლება ითქვას, რომ სხვა მხარეზე დგას, უნდა ვეცადოთ და გავაერთანოთ. ჩვენ ყველაზე მეტად, რაც დღეს გვჭირდება ქვეყანაში, არის სიყვარული, ურთიერთპატივისცემა. დარწმუნებული ვარ, ჩვენ კონსოლიდაციით მოვახერხებთ ამას”, – განაცხადა კახა კალაძემ.
დედაქალაქის მერმა „ქართული ოცნების“ მხრიდან სალომე ზურაბიშვილის მხარდაჭერაზეც ისაუბრა. კალაძის თქმით, პარტიისთვის ერთ-ერთი მთავარი მიმართულებაა, რომ სალომე ზურაბიშვილი დამოუკიდებელი კანდიდატია. „სალომეს მხარდაჭერით ჩვენ ვაკეთებთ არჩევანს და ვირჩევთ ტრადიციულ ევროპას ნაცვლად ფაშისტურ-ბოლშევიკური მისწრაფებებისა. ჩვენ ვირჩევთ მშვიდობიან განვითარებას, ნაცვლად დაპირისპირებისა. ჩვენ ვირჩევთ ჩვენი დიდი წინაპრების გზას, ნაცვლად ყალბი ღირებულებისა. ჩვენ ვირჩევთ პრინციპულობას, ნაცვლად სიყალბისა და ჩვენ ვირჩევთ თავისუფლებას, ნაცვლად ავტოკრატიისა. ჩვენ ვირჩევთ პრეზიდენტს, რომელმაც ხელი უნდა შეუწყოს საზოგადოების და ქვეყნის გაერთიანებას. ხელი უნდა შეუწყოს ჩენსმშვიდობიან, სტაბილურ განვითარებას მხარი დაუჭიროს ქართული იდენტობის გაძლიერებას და ამ გამოკვეთილი იდენტობით დიდ ევროპულ ოჯახში ჩვენი ქვეყნისთვის კუთვნილი ადგილის დამკვიდრებას”, – აღნიშნა კალაძემ.

კატეგორიები: პოლიტიკა

კომენტარები

მსგავსი სიახლეები