სალომე ზურაბიშვილი პატიმრებს შობის დღესასწაულამდე შეიწყალებს

სალომე ზურაბიშვილი პატიმრებს შობის დღესასწაულამდე შეიწყალებს

საქართველოს პრეზიდენტი პატიმართა შეწყალების აქტს საშობაოდ გამოსცემს. როგორც „პრაიმტაიმს“ პრეზიდენტის ადმინისტრაციაში განუცხადეს, შეწყალების ზუსტი თარიღი ჯერჯერობით უცნობია, თუმცა შეწყალება შობის დღესასწაულამდე მოხდება.

ამასთან უცნობია რა გადაწყვეტილებას მიიღებს პრეზიდენტი დეკანოზ გიორგი მამალაძესთან დაკავშირებით და გაითვალისწინებს თუ არა ზურაბიშვილი საპატრიარქოს შუამდგომლობას.

ჩვენ დავუკავშირდით დეკანოზ გიორგი მამალაძის ადვოკატებს, რომლებიც ჩვენთან საუბარში ამბობენ, რომ მათ არავინ დაკავშირებიათ და არც სხვა რაიმე დამატებით ინფორმაციას ფლობენ დეკონოზის შეწყალებასთან დაკავშირებით.

რაც შეეხება საპატრიარქოს პოზიცია, დღეს საპატრიარქოს საზოგადოებასთან ურთიერთბის სამსახურის უფროსმა, დეკანოზმა, ანდრია ჯაღმაიძემ განაცახადა, რომ მათ ყველაფერი გააკეთეს, რაც საპატრიარქოზე იყო დამოკიდებული.

შეგახსენებთ, რომ 29 ნოემბერს განისაზღვრა კრიტერიუმები, რომლითაც პრეზიდენტი სხვადასხვა კატეგორიის დამნაშავეს შეიწყალებს. პრეზიდენტმა პატიმრების შეწყალებაზე 18 სექტემბერს მორატორიუმი გამოაცხადა. ამას წინ უძღვოდა რამდენიმე სკანდალური შეწყალება. 2019 წლის მარტში ცნობილი გახდა, რომ შეწყალების კომისია იუსტიციის სამინისტროში გადავა.

კატეგორიები: საზოგადოება

კომენტარები

მსგავსი სიახლეები