ყოფილი მეუღლის თვითმკვლელობამდე მიყვანაში ბრალდებულს 3 წლით პატიმრობა მიუსაჯეს

ყოფილი მეუღლის თვითმკვლელობამდე მიყვანაში ბრალდებულს 3 წლით პატიმრობა მიუსაჯეს

თბილისის საქალაქო სასამართლომ ყოფილი მეუღლის თვითმკვლელობამდე მიყვანაში ბრალდებული გ.კ. დამნაშავედ ცნო და 3 წლით თავისუფლების აღკვეთა მიუსაჯა.

პროკურატურის ინფორმაციით, სასამართლოში წარდგენილი მტკიცებულებებით დადასტურდა, რომ გ.კ.-მ 2017 წლის 18 თებერვალს, ღამის საათებში, თბილისში, ყოფილი მეუღლის ა.ლ.-ს მიმართ განახორციელა სასტიკი მოპყრობა, რა დროსაც თავის არეში მრავლობითი დაზიანება მიაყენა. აღნიშნულის შემდგომ ა.ლ.-მ სააბაზანო ოთახში ქამრის მსგავსი საგნის გამოყენებით თავი ჩამოიხრჩო.

სამართალდამცველებმა გ.კ. 13 მაისს თბილისში დააკავეს. მას ბრალდება სისხლის სამართლის კოდექსის 111-115-ე მუხლით წარედგინა, რაც გულისხმობს ოჯახის ერთი წევრის მიერ სხვა წევრის თვითმკვლელობამდე მიყვანას სასტიკი მოპყრობით.

კატეგორიები: სამართალი

კომენტარები

მსგავსი სიახლეები