„ქალაქს უნდა მოვუაროთ ისე, როგორც ჩვენს სახლებში საკუთარ ნივთებს ვუვლით“-კახა კალაძე

„ქალაქს უნდა მოვუაროთ ისე, როგორც ჩვენს სახლებში საკუთარ ნივთებს ვუვლით“-კახა კალაძე

„ქალაქს უნდა მოვუაროთ ისე, როგორც ჩვენს სახლებში საკუთარ ნივთებს ვუვლით“, – ამის შესახებ დედაქალაქის მერმა ჟურნალისტებთან საუბრისას განაცხადა, სადაც ახალი პროექტის „გაუფრთხილდი ქალაქს“ მნიშვნელობაზე ისაუბრა.

კალაძის თქმით, ახალგაკეთებული სკვერები უკვე დაზიანებულია და საზოგადოების მხარდაწერას ძალიან დიდი მნიშვნელობა აქვს.

„ჩვენ ვიწყებთ ძალიან მნიშვნელოვანი პროექტის – “გაუფრთხილდი ქალაქს” განხორციელებას, რაც ნიშნავს იმას, რომ ქალაქის გალამაზებასა და დასუფთავებაში ყველამ ჩვენი ვალდებულება ავიღოთ. ვიცი, ძალიან ბევრი ადამიანია მოხალისე, ვისაც სურვილი აქვს მსგავს ღონისძიებაში ჩაერთოს. ჩვენ ერთმანეთს უნდა დავეხმაროთ, ხელი შევუწყოთ. პასუხისმგებლობა, რაც გვაქვს აღებული, კარგად გვესმის და ჩვენს გასაკეთებელს აუცილებლად გავაკეთებთ, თუმცა მოსახლეობის მხრიდან თანადგომა გვჭირდება. უამრავი მაგალითი შემიძლია მოვიყვანო და გაჩვენოთ ფოტოები – ახალი გაკეთებული სკვერები, ბაღები თუ რა მდგომარეობაშია და როგორ არის დაზიანებული. ვანდალიზმის ძალიან ბევრი ფაქტია. ერთმანეთის გვერდში დგომა გვჭირდება, რომ მოსახლეობას ავუხსნათ-რასაც დედაქალაქის მერია აკეთებს, ის თანხები, რაც იხარჯება, არის ამ ადამიანების შენატანი ბიუჯეტში, ჩვენ კი უბრალოდ მენეჯმენტს ვუწევთ თანხებს. ამდენად, მოსახლეობა მაქსიმალურად უნდა იყოს ჩართული და ერთად მოვუაროთ ჩვენს დედაქალაქს“, – აღნიშნა დედაქალაქის მერმა.

 

კატეგორიები: Uncategorized, საზოგადოება

კომენტარები

მსგავსი სიახლეები