ფოთში სოციალური მეწარმეობის ახალგაზრდული ფესტივალი გაიმართა. ფესტივალის ფარგლებში ქალაქის ცენტრალურ პარკში ხელნაკეთი ნივთებისა და ნატურალური პროდუქტის გამოფენა-გაყიდვა მოეწყო.
გამოფენაზე წარმოდგენილი იყო ეკოლოგიურად სუფთა ხის პროდუქცია, ტრადიციულ მოტივებზე შექმნილი ნივთები, ნატურალური საკვები, წნული კალათები და ხელნაკეთი მისალოცი ბარათები.
,,ფესტივალის ფარგლებში 18 სოციალური საწარმოს პროდუქცია გამოიფინა. მსგავსი ღონისძიება ხუთ ქალაქში გაიმართება და პროექტის ფარგლებში 25 ახალგაზრდა დასაქმდება“, – აღნიშნა სოციალურ საწარმოთა ასოციაციის აღმასრულებელმა მდივანმა სალომე ხუციშვილმა.
ფესტივალი სოციალურ საწარმოთა ალიანსის ორგანიზებითა და ფოთის მინიციპალიტეტის ფინანსური მხარდაჭრით ჩატარდა . ფესტივალი კონცერტით დაიხურა , რომელშიც ადგილობრივი ახალგაზრდა შემსრულებლები მონაწილეობდნენ.
კატეგორიები:
საზოგადოება
