თბილისის მერობის დამოუკიდებელმა კანდიდატმა, ალეკო ელისაშვილმა კახა კალაძე დებატებში მეორედ გუშინ, 4 ოქტომბერს გამოიწვია. ელისაშვილი ამბობს, რომ მისი მთავარი კონკურენტი საქართველოს სპორტის ისტორიაში ერთ-ერთი საუკეთესო სპორტსმენია და ფეხბურთში მასთან შეჯიბრს არასდროს დასთანხმდებოდა: “მაგრამ მე ფეხბურთელობას არ ვაპირებ და კახი აპირებს თბილისის მერობას”.
ელისაშვილის საპასუხოდ კახა კალაძემ განაცხადა, რომ მზადაა, ყველა ოპონენტთან ერთდროულად დაჯდეს დებატებში.
საქართველოში თვითმმართველობის, მათ შორის თბილისის მერის არჩევნები 21 ოქტომბერს გაიმართება.
