პარლამენტის თავმჯდომარის განცხადებით, ოპოზიცია შემოსავლებს და ხარჯებს მალავს. ამის თაობაზე ირაკლი კობახიძემ ტელეკომპანია „იმედის“ ეთერში განაცხადა.
პარლამენტის თავმჯდომარის განცხადებით, ოპოზიცია შემოსავლებს და ხარჯებს მალავს. ამის თაობაზე ირაკლი კობახიძემ ტელეკომპანია „იმედის“ ეთერში განაცხადა.
„ოპოზიციური პარტიები და ასევე, დამოუკიდებელი კანდიდატები არ ახდენენ საკუთარი შემოსავლების და ხარჯების დეკლარირებას და სწორედ ეს არის დიდი სხვაობის მიზეზი.
სახელმწიფო აუდიტის სამსახურის შუალედური ანგარიშის თანახმად, 1 ივლისიდან 15 ოქტომბერის ჩათვლით, „ქართულმა ოცნებამ“ ჯამში 11,640,441.00 ლარის შემოწირულება მიიღო, „ევროპულმა საქართველომ“ – 931,083.95 ლარი, „ნაციონალურმა მოძრაობამ“ – 108,149.21 ლარი, „პატრიოტთა ალიანსმა“ – 63,142.00 ლარი, „ახალმა საქართველომ“ – 35,100.00 ლარი, „დემოკრატიულმა მოძრაობამ“ – 31,486.00 ლარი, დომენტი სიჭინავამ – 50,150.00 ლარი, ალექსანდრე ელისაშვილმა – 31,431.00 ლარი, გულო ზუმბაძემ – 15,500.00 ლარი, სხვა საარჩევნო სუბიექტებმა ჯამში – 92,168.00 ლარი.
ანგარიშის თანახმად, ფიზიკური პირების შემოწირულებების ანალიზის დროს დამატებითი კითხვების არსებობის გამო, გამოკითხვაზე დაბარებულია 31 პირი, საიდანაც 13 არის „ევროპული საქართველოს“ შემომწირველი, ხოლო 18 – „ქართული ოცნების“.
საქართველოში თვითმმართველობის არჩევნები 21 ოქტომბერს გაიმართება.
