მოსალოდნელი განსაკუთრებული სიცხეების გამო, ერთიანი ეროვნული გამოცდების განრიგში ცვლილება შევიდა.

მოსალოდნელი განსაკუთრებული სიცხეების გამო, ერთიანი ეროვნული გამოცდების განრიგში ცვლილება შევიდა.

მოსალოდნელი განსაკუთრებული სიცხეების გამო, ერთიანი ეროვნული გამოცდების განრიგში ცვლილება შევიდა. 2-3 ივლისს, ტემპერატურის მომატებასთან დაკავშირებით, ერთიანი ეროვნული გამოცდების განრიგი შეიცვალა: ქართული ენისა და ლიტერატურის 2 და 3 ივლისისთვის დაგეგმილი მეორე სესია ჩატარდება 4 და 5 ივლისს, დილით. აბიტურიენტები, რომლებიც ქართული ენისა და ლიტერატურის გამოცდაზე უნდა გამოცხადებულიყვნენ 2 ივლისს, 14:00 საათზე, ამ გამოცდას ჩააბარებენ იმავე საგამოცდო ცენტრში, 4 ივლისს, 08:00 საათზე (სესიისათვის რეგისტრაცია დაიწყება 08:00 საათზე, გამოცდა – 09:00 საათზე). ქართული ენისა და ლიტერატურის გამოცდაზე 3 ივლისს, 14:00 საათზე განაწილებული აბიტურიენტები გამოცდას ჩააბარებენ 5 ივლისს, 08:00 საათზე (სესიისათვის რეგისტრაცია დაიწყება 08:00 საათზე, გამოცდა – 09:00 საათზე).

5 ივლისის ზოგადი უნარების გამოცდის პირველი და მეორე სესია ჩატარდება 7 ივლისს, ანალოგიური თანმიმდევრობით. თუ აბიტურიენტი განაწილებული იყო 5 ივლისს, 08:00 საათზე, იგი ზოგადი უნარების გამოცდას 7 ივლისს, 08:00 საათზე ჩააბარებს (სესიისათვის რეგისტრაცია დაიწყება 08:00 საათზე, გამოცდა – 09:00 საათზე), ხოლო თუ აბიტურიენტი განაწილებული იყო 5 ივლისს, 14:00 საათზე, იგი გამოცდას ჩააბარებს 7 ივლისს 14:00 საათზე (სესიისათვის რეგისტრაცია დაიწყება 14:00 საათზე, გამოცდა 15:00 საათზე).

იმის გათვალისწინებით, რომ აბიტურიენტების უმეტესობას უკვე ამობეჭდილი აქვს საგამოცდო ბარათი, აბიტურიენტის გვერდზე განთავსებულ ელექტრონულ ბარათში ცვლილებები აღარ შევა. გამოცდაზე აბიტურიენტი პირადობის მოწმობითა და საგამოცდო ბარათით უნდა გამოცხადდეს.

კატეგორიები: საზოგადოება

კომენტარები

მსგავსი სიახლეები