მიხეილ სააკაშვილის სასამართლო, რომელიზეც გადაწყდება აღკვეთის ღონისძიების შეფარდების საკითხი, სავარაუდოდო დღეს გაიმართება

მიხეილ სააკაშვილის სასამართლო, რომელიზეც გადაწყდება აღკვეთის ღონისძიების შეფარდების საკითხი, სავარაუდოდო დღეს გაიმართება

მიხეილ სააკაშვილის სასამართლო, რომელიზეც გადაწყდება აღკვეთის ღონისძიების შეფარდების საკითხი, სავარაუდოდო ორშაბათს გაიმართება. ეს ინფორმაცია სააკაშვილის ერთ-ერთმა ადვოკატმა პაველ ბოგომაზოვმა ჟურნალისტებს მიაწოდა. მისივე ცნობით, პროკურორები ოდესის ოლქის ყოფილი გუბერნატორის შიდა პატიმრობას და მისთვის ელექტრონული სამაჯურის დამაგრებას მოითხოვენ.

პროცესი სავარაუდოდ პეჩორსკის სასამართლოში, კრეშატნიკის ქუჩაზე გაიმართება. ამ ეტაპზე უცნობია სასამართლო მოსმენის გამართვის ზუსტი დრო.

უკრაინულ მედიაში ვრცელდება პროკურატურის დადგენილება სააკაშვილის დაკავებისა და მისი ადგილსამყოფელის ჩხრეკის შესახებ. დოკუმენტში წერია, რომ ნაციონალური პოლიციის საგამოძიებო განყოფილებამ 8 დეკემბერს მიიღო ინფორმაცია, რომლის მიხედვითაც ეჭვმიტანილი ატრადნომის გამზირის ერთ-ერთ ბინაში იმალებოდა. დოკუმენტში ასევე საუბარია სააკაშვილის მიმალვისა და მტკიცებულებების გაქრობის რისკებზე.

“აღნიშნულ მისამართზე ჩხრეკის ჩატარების აუცილებლობა არის გადაუდებელი და უკავშირდება სამართლებრივ დევნას იმ პირის მიმართ, რომელიც დანაშაულის ჩადენაშია ეჭვმიტანილი, “- ნათქვამია დადგენილებაში.

კიევში, ოდესის გუბერნატორი და საქართველოს ყოფილი პრეზიდენტი ბოლო დღეების განმავლობაში მეორედ დააკავეს. მიხეილ სააკაშვილმა საპატიმროში შიმშილობა გამოაცხადა. პროკურატურა სააკაშვილისთვის აღკვეთი ღონისძიების სახით შინაპატიმრობას მოითხოვს.

კატეგორიები: სამართალი

კომენტარები

მსგავსი სიახლეები