მიხეილ ბატიაშვილი “საქართველოს სკოლის ადმინისტრატორთა ასოციაციის” კერძო სკოლების წარმომადგენლებს შეხვდა

მიხეილ ბატიაშვილი “საქართველოს სკოლის ადმინისტრატორთა ასოციაციის” კერძო სკოლების წარმომადგენლებს შეხვდა

საქართველოს განათლების, მეცნიერების, კულტურისა და სპორტის მინისტრმა, მიხეილ ბატიაშვილმა საქართველოს სკოლის ადმინისტრატორთა ასოციაციის კერძო სკოლების წარმომადგენლებთან სამუშაო შეხვედრა გამართა.
შეხვედრაზე კერძო სკოლების განვითარების საკითხები, მათ შორის, საკადრო პოლიტიკა, წახალისების მექანიზმები, რესურსების თავისუფალი გამოყენების გზები და არსებული გამოწვევები განიხილეს.
„რამდენიმე არსებით საკითხზე ვისაუბრეთ და მივიღეთ ჩვენთვის მისაღები პასუხები. ვფიქრობთ, რომ სამინისტრო სწორი მიმართულებით მიდის. მინისტრმა საორიენტაციო გადაწყვეტილებებზე მიგვანიშნა და ვფიქრობთ, რომ ეს გადაწყვეტილებები განხორციელებადია, რაც ძალიან კარგი იქნება როგორც განათლების სისტემისთვის, ასევე – კერძო სექტორისთვისაც“, – აცხადებს ასოციაციის პრეზიდენტი, გია მურღულია.
მინისტრის ინიციატივით, მსგავსი შეხვედრები კვლავ გაგრძელდება და სკოლების წარმომადგენლებს საშუალება ექნებათ, მათთვის მნიშვნელოვან საკითხებზე პირველი პირისგან მიიღონ ინფორმაცია.

კატეგორიები: საზოგადოება

კომენტარები

მსგავსი სიახლეები