მერაბ შათირიშვილი – რომელი მორალური კოდექსითა და ადამიანურობით უნდა განაცხადოს რულოვსმა, ზუგდიდიდან ბოროტება უნდა განვდევნოთო?

მერაბ შათირიშვილი – რომელი მორალური კოდექსითა და ადამიანურობით უნდა განაცხადოს რულოვსმა, ზუგდიდიდან ბოროტება უნდა განვდევნოთო?

რომელი მორალური კოდექსითა და ადამიანურობით უნდა განაცხადოს რულოვსმა, ზუგდიდიდან ბოროტება უნდა განვდევნოთო? – ამის შესახებ წერალი მერაბ შათირიშვილი სოციალურ ქსელში წერს.

“ავად სახსენებელი ბოროტების „ეპოქა“, ახალაია (ბაჩანა) საპყრობილეში შედის – ვითარცა გებელსი, ერთ-ერთ პატიმარს, კახა თურქიას ამოიღებს მიზანში და ზიზღით ეკითხება: ქურდი ხარ?.. „არა, ყაჩაღობისთვის ვზივარ!..“ პასუხობს თურქია და ბოროტად მიჩერებულ თვალებს უშიშრად უსწორებს მზერას… ახალაია სახეში აფურთხებს, მსჯავრდადებული ხურდას უბრუნებს და შეურაცხობისგან წამოენთება…
თურქია დაუყოვნებლივ გადაჰყავთ გამკაცრებულ რეჟიმზე, მიზანმიმართულად მეტადონის პროგრამზე „სვამენ“, ზორბა და „ურჩი“ ბუნების პატიმარი ფიზიკურად რომ გატყდეს, ამის შემდეგ, ე. წ. „საღორეში“ ამწყვდევენ, სადაც წელში ვერაფრით გაიმართები და, ასე მოხრილი, დაახლოებით სამ კილოგრამიანი წვერით, ხანგრძლივი წამების შემდეგ, სულს განუტევებს თურქია…
და, რამდენი ასეთი „თურქია“ გაისტუმრა სააკაშვილის რეჟიმმა „საღორეებში“ გამომწყვდევით!..
რა სინდისითა და ნამუსით, რომელი მორალური კოდექსითა და ადამიანურობით უნდა განაცხადოს რულოვსმა, ზუგდიდიდან ბოროტება უნდა განვდევნოთო?.. სულ დასაპანღურებელი იყოს „ქართული ოცნება“, როგორ უნდა აირჩიოთ, ან, საერთოდ, ხმა მისცეთ იმ ბოროტული ძალის „დედოფალს“, თურქიებს „საღორეებში“ რომ ხდიდა სულს?!
მოკლედ, გაოგნებული ვარ და მიკვირს ჩემი მეგრელების, რაც უნდა განაწყენებული და უკმაყოფილონი იყვნენ არსებული ხელისუფლების მიმართ, ნუთუ სულ დაკარგეს განსჯის უნარი?”, – წერს მერაბ შათირიშვილი.

კატეგორიები: პოლიტიკა

კომენტარები

მსგავსი სიახლეები