მაშველები მინდელის შახტაში ცხედრების შემთხვევის ადგილიდან ამოსაყვანად მუშაობენ

მაშველები მინდელის შახტაში ცხედრების შემთხვევის ადგილიდან ამოსაყვანად მუშაობენ

საგანგებო სიტუაციების მართვის სამსახურის მაშველები ტყიბულში მინდელის შახტის სამთო მაშველებთან ერთად, კოორდინირებულად მუშაობენ ცხედრების შემთხვევის ადგილიდან ამოსაყვანად.

როგორც „კვირას“ საგანგებო სიტუაციების მართვის სააგენტოდან აცნობეს, ადგილზე იმყოფებიან იმერეთის სამხარეო სამაშველო ჯგუფები, ასევე, თბილისის სამაშველო ბაზიდან ტყიბულში უკვე გაემართა სამთო მაშველების 14-კაციანი ჯგუფი.

საგანგებო სიტუაციების მართვის სამსახური სრულად მობილიზებულია, რათა უმოკლეს დროში მოხდეს შესაბამისი ღონისძიებების გატარება.

შემთხვევის ადგილზე იმყოფებიან სახანძრო-სამაშველოს ხელმძღვანელი პირები.
შეგახსენებთ, რომ 5 აპრილს, გამთენიისას ტყიბულში, მინდელის სახელობის შახტაში უბედურ შემთხვევას ექვსი ადამიანი ემსხვერპლა, სამი კი დაშავდა.

მომხდარ ფაქტთან დაკავშირებით გამოძიება დაიწყო საქართველოს სსკ-ის 240-ე მუხლის მეორე ნაწილით, რაც სამთო, სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს. დანაშაული 5 წლამდე თავისუფლების აღკვეთას ითვალისწინებს.

კატეგორიები: საზოგადოება

კომენტარები

მსგავსი სიახლეები