მამუკა ბახტაძე: 6 წლის წინ ქართველმა ერმა გააკეთა ისტორიული არჩევანი თავისუფლების სასარგებლოდ და უარი უთხრა ადამიანის ღირსების შელახვაზე დაფუძნებულ რეჟიმს

“6 წლის წინ, ქართველმა ერმა გააკეთა ისტორიული არჩევანი თავისუფლების სასარგებლოდ და უარი უთხრა ადამიანის ღირსების შელახვაზე დაფუძნებულ რეჟიმს”, – ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის წინ გამართულ ბრიფინგზე განაცხადა.
როგორც მთავრობის მეთაურმა აღნიშნა, 2012 წლის პირველი ოქტომბერი გადამწყვეტი დღე გახდა საქართველოს დემოკრატიული განვითარების გზაზე.
„ამ დღეს ,,ქართულმა ოცნებამ”, ქართველ ერთან ერთად უდიდესი გამარჯვება მოიპოვა – მშვიდობიანი გზით შეიცვალა ხელისუფლება და დაიწყო სრულიად ახალი ეტაპი საქართველოს სახელმწიფოებრივი და დემოკრატიული განვითარების გზაზე”, – განაცხადა მამუკა ბახტაძემ.
პრემიერ-მინისტრის თქმით, დღეს საქართველო ბევრად უფრო ძლიერია, ვიდრე ექვსი წლის წინ. ქვეყანამ მიაღწია წინსვლას ყველა სფეროში და პროგრესი ხელშესახებია.
„მაგრამ რჩება უამრავი სირთულე და გამოწვევა, რომელსაც დარწმუნებული ვარ, ჩვენ ქართველ ხალხთან ერთად აუცილებლად გადავლახავთ. ჩვენი მიზანია, საქართველო გახდეს ერთიანი, ეკონომიკურად ძლიერი და განვითარებული ევროპული ქვეყანა, და მივაღწიოთ ჩვენს საერთაშორისო მიზნებს – საქართველო გახდეს ევროპული ოჯახის და ნატოს სრულფასოვანი წევრი”, – განაცხადა მამუკა ბახტაძემ.
მსგავსი სიახლეები

უწყებათაშორისი კომისია „ევროპული საქართველოსა“ და ნაციონალური მოძრაობის“ წევრებმა პროტესტის ნიშნად დატოვეს.
გიორგი კვირიკაშვილი დღეს ნაციონალურ მოძრაობასთან შეხვედრის დროს მომხდარი ინციდენტის გამო საზოგადოებას ბოდიშს უხდის

აშშ-ს სახელმწიფო მდივნის თანაშემწემ, უეს მიტჩელმა განაცხადა, რომ საქართველო აუცილებლად მოხვდება ნატო-ში.

„მჯერა, რომ ქვეყნები ერთმანეთს უნდა ეჯიბრებოდნენ არა ძალით, აგრესიითა თუ ზეწოლით, არამედ, უკეთესი საგანმანათლებლო სისტემით და კულტურით”-ირაკლი კობახიძე
