კორონავირუსით ინფიცირებულთა რაოდენობის მკვეთრი ზრდის გამო ჩეხეთში 28 ოქტომბრიდან მოსახლეობას ღამის საათებში გარეთ გასვლა აეკრძალება

კორონავირუსით ინფიცირებულთა რაოდენობის მკვეთრი ზრდის გამო ჩეხეთში 28 ოქტომბრიდან მოსახლეობას ღამის საათებში გარეთ გასვლა აეკრძალება

კორონავირუსით ინფიცირებულთა რაოდენობის მკვეთრი ზრდის გამო ჩეხეთში 28 ოქტომბრიდან მოსახლეობას ღამის საათებში გარეთ გასვლა აეკრძალება. კერძოდ კი 21:00 საათიდან დილის 5:00 საათამდე. ამის შესახებ Deutsche Welle წერს.

ქვეყნის ჯანდაცვის მინისტრის, რომან პრიმულას განმარტებით, მანამდე მიღებული ზომები საკმარისი არ აღმოჩნდა.

პანდემიის დაწყებიდან დღემდე ჩეხეთში კორონავირუსით 263 5773 ადამიანი დაინფიცირდა, 2 337 პაციენტი კი გარდაიცვალა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

კატეგორიები: მსოფლიო

კომენტარები

მსგავსი სიახლეები