“კანცლერისგან მივიღე დაპირება, რომ გერმანია მხარს დაუჭერს სანქციებს ევროპარლამენტის რეზოლუციაში ასახული ტექსტის მიხედვით “

“კანცლერისგან მივიღე დაპირება, რომ გერმანია მხარს დაუჭერს სანქციებს ევროპარლამენტის რეზოლუციაში ასახული ტექსტის მიხედვით “

“კანცლერისგან მივიღე დაპირება, რომ გერმანია მხარს დაუჭერს სანქციებს ევროპარლამენტის რეზოლუციაში ასახული ტექსტის მიხედვით “ – ამის შესახებ „ევროპული საქართველოს“ ერთ-ერთმა ლიდერმა და პრეზიდენტობის კანდიდატმა დავით ბაქრაძემ გერმანიის კანცლერთან შეხვედრის შემდეგ განაცხადა.

როგორც ბაქრაძემ აღნიშნა, ანგელა მერკელსა და ოპოზიციის წარმომადგენლებთან შეხვედრაზე ყველა იმ თემაზე ისაუბრეს, რომელიც საქართველოს აწუხებს.

„ძალიან გულწრფელი და კარგი შეხვედრა იყო. ვისაუბრეთ ყველა თემაზე, რომელიც დღეს საქართველოს აწუხებს. შეხვედრაზე დავაყენე საკითხი და გვქონდა თხოვნა, რომ გერმანიამ მხარი დაუჭიროს ოთხოზორია-ტატუნაშვილის სიას და სანქციებს. კანცლერისგან მივიღე დაპირება, რომ გერმანია მხარს დაუჭერს სანქციებს ევროპარლამენტის რეზოლუციაში ასახული ტექსტის მიხედვით. ჩემ მიერ დაყენებული მეორე კონკრეტული თხოვნა იყო, მიეცეთ გერმანიაში მყოფ ქართველებს ლეგალურად, კანონიერად მუშაობის საშუალება. კანცლერისგან მივიღე დაპირება, რომ ის არის თანახმა, დაიწყოს მუშაობა ამ თემაზე და გერმანიის მთავრობა შეიმუშავებს იმ პროფესიების სიას, სადაც ქართველებს მიეცემათ მუშაობის საშუალება. ვფიქრობ, ეს ორივე შედეგი არის ძალიან მნიშვნელოვანი. მინდა, მოვუწოდო ჩვენს ხელისუფლებას, მიჰყვეს ამ შეთანხმებას და გააკეთოს ყველაფერი, რომ კანცლერის დადებითი აზრი და მისი დაპირება გადაიზარდოს კონკრეტულ შედეგში. სანქციების შემოღება და ქართველების დასაქმება გერმანიაში არის ძალიან მნიშვნელოვანი ჩვენი ქვეყნისთვის, მოქალაქეებისთვის და ამიტომ მოვუწოდებ ხელისუფლებას, საგარეო საქმეთა სამინისტროს, საელჩოს, ყველაფერი გააკეთონ ამ შეთანხმების კონკრეტულად და პრაქტიკულად ცხოვრებაში გატარებისთვის“, – განაცხადა ბაქრაძემ.

კატეგორიები: პოლიტიკა

კომენტარები

მსგავსი სიახლეები