კახა კალაძის განცხადებით, თბილისის მერია აქტიურად იზრუნებს პედაგოგების მდგომარეობის გაუმჯობესებაზე.

კახა კალაძის განცხადებით, თბილისის მერია აქტიურად იზრუნებს პედაგოგების მდგომარეობის გაუმჯობესებაზე.

„ქართული ოცნება – დემოკრატიული საქართველოს“ თბილისის მერობის კანდიდატის კახა კალაძის განცხადებით, თბილისის მერია აქტიურად იზრუნებს პედაგოგების მდგომარეობის გაუმჯობესებაზე.

თბილისის მერობის კანდიდატმა დღეს პედაგოგთა და მეცნიერთა თავისუფალი პროფკავშირის ორგანიზებულ მასწავლებლის მსოფლიო დღისადმი მიძღვნილ ღონისძიებაზე, მასწავლებლებს პროფესიული დღე მიულოცა და დასძინა, რომ რამდენიმე დღეში განათლების პოლიტიკის პრეზენტაციას გამართავს.

თუ რა პროექტების განხორციელებას ვაპირებთ განათლების მიმართულებით, როგორი იქნება მერიის მხრიდან პედაგოგების ხელშეწყობა. გარდა ამისა, არის იდეა, რომ თბილისში მოწყოს 5 ძალიან დიდი სასწავლებელი – ე.წ. ედუპარკი და ჩვენ ამ პროექტსაც წარვადგენთ,“ – აღნიშნა კალაძემ.

„პედაგოგის პროფესია განსაკუთრებული მნიშვნელობისაა. რა თქმა უნდა, პატივს ვცემ ყველა პროფესიას, მაგრამ თქვენ ბრძანდებით ადამიანები, რომლებსაც ყოველდღიური შეხება აქვთ ჩვენს მომავალ თაობებთან, ჩვენს შვილებთან, სწორედ ამიტომ, თქვენი როლი განსაკუთრებულია მათ აღზრდაში. ამისათვის დიდი მადლობა მინდა გადაგიხადოთ თითოეულ თქვენგანს“ – განუცხადა პედაგოგებს კახა კალაძემ.

თბილისის მერობის კანდიდატი მასწავლებლებს თბილისის განვითარების პროგრამულ ხედვაზე ესაუბრა და ქალაქში დაგეგმილი პროექტები გააცნო. მისი თქმით, ქვეყანაში ბევრი მნიშვნელოვანი პროექტი განხორციელდა, თუმცა ეს არ იძლევა თვითკმაყოფილების საფუძველს და ცენტრალურ ხელისუფლებასთან ერთად კიდევ ბევრი პროექტის განხორციელება იგეგმება.

დღეს 5 ოქტომბერია – მასწავლებლის მსოფლიო დღე, რომლის მიზანი მასწავლებლის პროფესიის პოპულარიზაცია და მისი საქმიანობის შესახებ ცნობიერების ამაღლებაა.

კატეგორიები: პოლიტიკა

კომენტარები

მსგავსი სიახლეები