ირაკლი ხმალაძე-გრძელდება კონსულტაციები ფინანსთა სამინისტროსთან, კახა კალაძის მხრიდან, რომ დედაქალაქს 2018 წლის ბიუჯეტი გაუზარდოს

ირაკლი ხმალაძე-გრძელდება კონსულტაციები ფინანსთა სამინისტროსთან, კახა კალაძის მხრიდან, რომ დედაქალაქს 2018 წლის ბიუჯეტი გაუზარდოს

გრძელდება კონსულტაციები ფინანსთა სამინისტროსთან, კახა კალაძის მხრიდან, რომ დედაქალაქს 2018 წლის ბიუჯეტი გაუზარდოს, – ამის შესახებ ჟურნალისტებს თბილისის ვიცე-მერმა, ირაკლი ხმალაძემ განუცხადა.
მისივე თქმით, დაგეგმილია, რომ თბილისის ბიუჯეტის არსებულ პროექტს საკრებულოდან გამოითხოვენ და მის ხარჯვით ნაწილში რამდენიმე ცვლილება განხორციელდება.
“რამდენიმე საგზაო და სატრანსპორტო პროექტის ასახვა მოხდება 2018 წლის ბიუჯეტში. ძირითადად, განიხილება ის პროექტები, რომელსაც წინასაარჩევნო პერიოდში მოსახლეობას დავპირდით. არსებითი ცვლილება იქნება ბიუჯეტის. საშემოსავლო ნაწილში შენიშვნები არ გვაქვს, სწორად იყო დაგეგმილი, თუმცა, ხარჯვით ნაწილში მნიშვნელოვან ცვლილებებს შევიტანთ. გრძელდება კონსულტაციები ფინანსთა სამინისტროსთან, კახა კალაძის მხრიდან, რომ დედაქალაქს 2018 წლის ბიუჯეტი გაუზარდოს, რათა ყველა ის პროექტი განვახორციელოთ, რომელიც მოსახლეობას დავპირდით. ველოდებით, რომ საბიუჯეტო ტრანსფერი, საბიუჯეტო დაფინანსება გაიზრდება და ეს თანხა საზოგადოებრივი მნიშვნელობის პროექტებს მოხმარდება,”- განაცხადა ირაკლი ხმალაძემ.

კატეგორიები: პოლიტიკა

კომენტარები

მსგავსი სიახლეები