გორის 90-ე უბნის კომისიის თავმჯდომარეს დააგვიანდა და საარჩევნო პროცესი დაგვიანებით დაიწყო
გორის 90-ე უბანი ერთადერთი იყო რომელიც დღეს სხვა უბნების მსგავსად დროულად არ გაიხსნა. „ნიუპოსტის“ კორესპონდნეტის ცნობით, მიზეზი კომისიის თავმჯდომარის ობანზე დაგვიანებით მისვლა გახდა. აღნიშნულთან დაკავშირებით საქართველოს ახალგაზრდა იურისტთა ასოციაციამ საჩივარი დაწერა და საოლქო საარჩევნო კომისიაში შეიტანა. გორის 32 საოლქო საარჩევნო კომისიის თავმჯდომარის, მალხაზ მირუაშვილის განცხადებით ამ ეტაპზე სხვა უბანზე ხარვეზი არ დაფიქსირებულა და საარცევნო პროცესი მშვიდ ვითარებაში მიმდინარეობს. „მხოლოდ ერთ საარჩევნო უბანზე მოხდა დაგვიანებით უბნის გახსნა და ამსათან დაკავშირებით შემოსულია საიას საჩივარი. საოლქო საარჩევნო კომისია ამასთან დაკავშირებით იმსჯელებს დღის განმავლობაში და მიიღებს შესაბამის გადაწყვეტილებას“-აცხადებს მალხაზ მირუაშვილი.
გორის 32 ოლქში 105 უბანია და ამომრჩერველთა რაოდენობა 110 174-ა.
