მმართველი პარტიის სახელით, ადგილობრივი თვითმმართველობის არჩევნებზე, შიდა ქართლში მერობისთვის ოთხი კანდიდატი იბრძოლებს.
კასპის მუნიციპალიტეტში მერობის კანდიდატი მანუჩარ მერებაშვილი იქნება, გორში – კონსტანტინე თავზარაშვილი, ქარელში – ზაზა გულიაშვილი, ხოლო ხაშურში – გიორგი გურასპაშვილი.
პრემიერმა კანდიდატების წარდგენისას აღნიშნა, რომ თვითმმართველობის სისტემა საშუალებას იძლევა, ყველა საკითხი პრიორიტეტების მიხედვით, ადგილობრივ ხელისუფლებასთან ერთად ხალხის გადაწყვეტილებით მოგვარდეს.
„ამიტომაც, არჩევნებში, ჩვენ უნდა ავირჩიოთ პატიოსანი და პროფესიონალი ადამიანები, რომლებმაც იციან თქვენი პრობლემები და გული შესტკივათ თქვენზე”, – მიმართა ამომრჩეველს გიორგი კვირიკაშვილმა.
მთავრობის მეთაურმა მერობის კანდიდატები უკვე წარადგინა იმერეთში, კახეთში, გურიაში, აჭარაში, სამეგრელო-ზემო სვანეთში, სამცხე-ჯავახეთსა და ქვემო ქართლში.
საქართველოში თვითმმართველობის არჩევნები 21 ოქტომბერს გაიმართება.