გერმანული მედია: ლიდერობს ქართველი – ბიძინა ივანიშვილის მიერ გამოყოფილი თანხა, ის ყველაზე დიდია მთელი მსოფლიოს მასშტაბით

გერმანული მედია: ლიდერობს ქართველი – ბიძინა ივანიშვილის მიერ გამოყოფილი თანხა, ის ყველაზე დიდია მთელი მსოფლიოს მასშტაბით

“ლიდერობს ქართველი – ბიძინა ივანიშვილის მიერ გამოყოფილი თანხა, ყველაზე დიდია მთელი მსოფლიოს მასშტაბით”, – ამის შესახებ გერმანული გამოცემა FAIReconomics-ი წერს და აქვეყნებს სტატიას სახელწოდებით – „კოვიდ-19 – ქართველი ადამიანი, რომელმაც ყველაზე დიდი თანხა გადარიცხა კორონა პანდემიასთან ბრძოლაში”.

სტატიის თანახმად, მსოფლიოში გამოჩნდა რამდენიმე მილიარდერი, ვინც კოვიდ-19-თან ბრძოლაში ჩაერთო და ამ მხრივ ლიდერობს ქართველი, რომლის სახელი შედარებით უცნობია დანარჩენი მსოფლიოსთვის – ბიძინა ივანიშვილი დღეს ყველაზე დიდი თანხის შემომწირველია, თუ თანხას ერთ სულ მოსახლეზე გადავითვლით.

,,კოვიდ-19 პანდემიის შედეგად ბევრი კრიტიკოსი აღნიშნავს იმას, რომ სახელმწიფოებს არასწორი იზოლაციონიზმის პოლიტიკა აქვთ და დამოუკიდებლად ცდილობენ პრობლემასთან გამკლავებას, ასევე იმას, რომ მთავრობებმა აკრძალეს გასაჭირში მყოფი სხვა ქვეყნებისთვის სამედიცინო მასალების გადაცემა. განსაკუთრებით კი, ევროკავშირს არ აქვს ამ თვალსაზრისით სახარბიელოდ საქმე. ერთი მხრივ, სახეზეა იზოლაციონიზმი და სიტუაციის დამოუკიდებლად მართვა, მეორე მხრივ კი – დიდი მზადყოფნა, დაეხმარონ სხვა ქვეყნებს. ჩვეული სამეზობლო დახმარების პარალელურად, მსოფლიოში გამოჩნდა რამდენიმე მილიარდერი, ვინც ჩაერთო კოვიდ-19-თან ბრძოლაში და მთელ მსოფლიოში სხვადასხვა მხარდამჭერი პროექტი დააფინანსა. ლიდერობს ქართველი. ბევრი ექვსი და შვიდციფრიანი დახმარების თანხა იქნა გამოყოფილი, რომელიც მრავალმა ცნობილმა ფილანტროპმა გაიღო, თუმცა ერთი ადამიანი განსაკუთრებით გამორჩეულია მათი რიცხვიდან; პირველ ყოვლისა კი იმიტომ, რომ მისი სახელი შედარებით უცნობია დანარჩენი მსოფლიოსთვის. ის არის დღეს ყველაზე დიდი თანხის შემომწირველი, თუ თანხას ერთ სულ მოსახლეზე გადავითვლით. ბიძინა ივანიშვილი ქართველი ბიზნესმენია, რომელიც 2012-დან 2013 წლამდე ამ ყოფილი საბჭოთა რესპუბლიკის პრემიერმინისტრი იყო. ის მოექცა ახალი ცხრილის სათავეში, ვინაიდან მის მიერ გამოყოფილი თანხა ქვეყნის ერთ სულ მოსახლეზე გადაანგარიშებით ყველაზე დიდია მთელი მსოფლიოს მასშტაბით. 64 წლის მეწარმის ქონება 4,5 მილიარდ ევროს შეადგენს, რაც საქართველოს მთლიანი შიდა პროდუქტის (მშპ) მესამედია. მან ვირუსთან ბრძოლის ფონდში 30 მილიონი აშშ დოლარი გადარიცხა, რაც მისი ქვეყნის 3,9-მილიონიან მოსახლეობაზე გადაანგარიშებით, ერთ კაცზე გამოყოფილ 7,51 დოლარს შეადგენს. შესაძლოა, რომ ამ ადამიანის წარმომავლობამ თავისი როლი ითამაშა – ის თავად არის ფაბრიკანტის შვილი და შესაძლოა, ამიტომ მოუნდა ახლა თანხის გაღებაც. მისი შვილი, ბერა საქართველოში ცნობილი რეპერია. ამ ე.წ. სელფ-მეიდ ადამიანმა ქონება დააგროვა, როდესაც რუსეთში პრივატიზაციის დრო იყო და ის თავდაპირველად ყიდულობდა საწარმოებს, შემდეგ კი დიდი მოგებით ასხვისებდა მათ”, – წერს გერმანული გამოცემა.

გიორგი გახარია, საქართველოს ამჟამინდელი პრემიერმინისტრი, FAIReconomics-თან საუბარში აღნიშნავს, რომ ბიძინა ივანიშვილი მრავალი ათწლეულის განმავლობაში უჭერს მხარს საქართველოს სახელმწიფოსა და სახელმწიფო ინსტიტუციებს თავისი ქველმოქმედებით.

„გარდა ამისა, მას უდიდესი წვლილი მიუძღვის ქართული კულტურული იდენტობის დაცვის საქმეში. რა თქმა უნდა, არც კოვიდ-19 პანდემიასთან ბრძოლა არაა გამონაკლისი. საერთო საფრთხის წინაშე ბიძინა ივანიშვილმა კვლავ, კიდევ ერთხელ აჩვენა თავისი მხარდაჭერა თავის თანამოქალაქეებს, ქართველ ხალხს”, – აცხადებს გიორგი გახარია.

„სიის მეორე ადგილზე, როგორც ამას აჩვენებს მოსახლეობის აღწერის მონაცემები აშშ ცენტრალური სადაზვერვო სამსახურის სტატისტიკური მონაცემები და ჟურნალ „ფორბსის” მიერ ჩატარებული კვლევა შემოწირულობების შესახებ, დგას ავსტრალიელი ბიზნესმენი, ენდრიუ ფორესტი, მეტსახელით „ტვიგი”, რომელმაც 25,5 მილიონი აშშ დოლარი გამოყო, ანუ 3,9 აშშ დოლარი ერთ სულ მოსახლეზე, მესამე ადგილზე კი კომპანია ტვიტერის დამფუძნებელი ჯეკ დორსია. დორსის 1-მილიარდიანი შემოწირულობა შეესაბამება 3,01 აშშ დოლარს ერთ სულ მოსახლეზე ამერიკის შეერთებულ შტატებში. მაიკროსოფტის დამფუძნებელი ბილ გეიტსი და მისი მეუღლე მელინდა, რომლებმაც ერთობლივად 255 მილიონი აშშ დოლარი გამოყვეს, მოხვდნენ სიის მეცხრე ადგილზე. მათ მოსდევენ კომპანია ამაზონის (Amazon) ხელმძღვანელი ჯეკ ბეზოსი და კომპანია დელის (Dell Inc) მფლობელი მაიკლ დელი – თითოეულმა მათგანმა 100 მილიონი აშშ დოლარი გამოყო ვირუსთან საბრძოლველად. ბრიტანელთაგან მხოლოდ ორი ადამიანი მოხვდა სიაში: კომპანია „ბეთ365(Bet365)”-ის დამფუძნებელი დენიზ კოუტსი 12,6 მილიონი აშშ დოლარით და ვესტმინსტერის ჰერცოგი 15 მილიონი გირვანქა სტერლინგით. სულ, სიაში მოხვედრილი ქალებიდან დანარჩენი ორი ლინ შუსტერმანი და მისი ქალიშვილი სტეისი, როტშილდების დინასტიის შთამომავლები არიან და დღეს ფლობენ ოკლაჰომას შტატში არსებულ ნავთობისა და გაზის კორპორაციას Samson Energy”, – წერს გერმანული გამოცემა.

კატეგორიები: საზოგადოება

კომენტარები

მსგავსი სიახლეები