გამოვლინდა საქართველოში ყველაზე მეტად გავრცელებული 10 დაავადება

გამოვლინდა საქართველოში ყველაზე მეტად გავრცელებული 10 დაავადება

2017 წლის მონაცემებით, ქვეყნის მოსახლეობა სუნთქვის ორგანოთა ავადმყოფობებიდან ყველაზე ხშირად სასუნთქი გზების მწვავე რესპირაციული ინფექციებით ავადდება, რომელთა რაოდენობაც 405 641-ია. ამის შესახებ ინფორმაციას სააგენტო “ინტერპრესნიუსი” საქსტატიდან გამოთხოვილ ინფორმაციაზე დაყრდნობით წერს.

მეორე ადგილზე სისხლის მიმოქცევის სისტემის ავადმყოფობები – 2017 წელს ჰიპერტენზიული ავადმყოფობების 376 219 შემთხვევა დაფიქსირდა.

დაავადებების 10-ული კი, რომლითაც საქართველოში ყველაზე ხშირად ავადდებიან, ასეთია:

  1. სასუნთქი გზების მწვავე რესპირაციული ინფექციები – 405 641 შემთხვევა;
  2. ჰიპერტენზია – 376 219 შემთხვევა;
  3. პირის ღრუს, სანერწყვე ჯირკვლებისა და ყბების დაავადებები – 282 518 შემთხვევა;
  4. შაქრიანი დიაბეტი – 112 299 შემთხვევა;
  5. ქალის სასქესო ორგანოების დაავადებები – 109 265 შემთხვევა,
  6. დორსოპათიები (ძვალ-კუნთოვანი სისტემის და შემაერთებელი ქსოვილის ავადმყოფობები) – 70 773 შემთხვევა;
  7. კატარაქტა – 57 707 შემთხვევა;
  8. პერიფერიული ნერვული სისტემის ავადმყოფობები – 49 923 შემთხვევა;
  9. დერმატიტი და ეგზემა – 45 952 შემთხვევა;
  10. შუა ყურის ანთება (ქრონიკული ოტიტი) – 33 595 შემთხვევა.

რაც შეეხება უფრო მძიმე დაავადებებს, ავთვისებიანი ახალწარმონაქმნების (ლიმფური და სისხლმბადი ქსოვილების ახალწარმონაქმნების ჩათვლით) 8 ათასზე მეტი და ანემიების 28 555 დაავადებაა რეგისტრირებული.

კატეგორიები: საზოგადოება

კომენტარები

მსგავსი სიახლეები