ეკა ბესელია – მოლოდინი მაქვს, რომ კონსტიტუციის თემაზე პარლამენტში ვეტოს საკითხის განხილვა გვექნება სიახლე არ გვაქვს, – ასე უპასუხა პარლამენტის იურიდიულ საკითხთა კომიტეტის თავმჯდომარე, ეკა ბესელიამ კითხვას იმის შესახებ, შედგება თუ არა კონსულტაციები პრეზიდენტსა და მმართველ გუნდს შორის საკონსტიტუციო ცვლილებებთან დაკავშირებით.
ეკა ბესელიას მოლოდინი აქვს, რომ პრეზიდენტი კონსტიტუციის პროექტს ვეტოს დაადებს.
“ჩვენ დავასრულეთ ჩვენი ეტაპი, გვექნება თუ არა მეოთხე მოსმენა, როგორც უკვე ვეძახით ხოლმე ვეტოს პროცესს პარლამენტში, ამას ველოდები ათი დღის ფარგლებში. შემდეგ ჩვენ გვექნება განხილვა იმ საკითხების, რაზეც გადაწყვეტილებას მიიღებს პრეზიდენტი. მე მაქვს მოლოდინი, რომ ისევ გვექნება კონსტიტუციის თემაზე პარლამენტში ვეტოს საკითხის განხილვა”,- განაცხადა ბესელიამ.
