დიმიტრი ქუმსიშვილმა პარლამენტში 2018 წლის ბიუჯეტი განიხილა

დიმიტრი ქუმსიშვილმა პარლამენტში 2018 წლის ბიუჯეტი განიხილა

2018 წელს სამშენებლო სამუშაოების დასრულების შემდგომ თბილისსა და საქართველოს სხვადასხვა რეგიონში მდებარე ახალი საცხოვრებელი კორპუსებში საცხოვრებელი ბინა დევნილთა 1230-მდე ოჯახს გადაეცემა, -ამის შესახებ  პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა პარლამენტში 2018 წლის ბიუჯეტის განხილვისას განაცხადა.

როგორც მინისტრმა აღნიშნა, ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების სამინისტროსთვის 2018 წელს გამოყოფილია 96.0 მლნ ლარამდე, მათ შორის დევნილთა განსახლების ღონისძიებებისათვის 82 მლნ ლარი.

მისი თქმით, გარდა ამისა, საცხოვრებლით დაკმაყოფილდება ეკომიგრანტთა 120 ოჯახი, ხოლო საკომპენსაციო თანხებით უზრუნველყოფილი იქნება 20 ოჯახი. ასევე 60-მდე დევნილ ოჯახს გადაეცემა ქართველი მენაშენეებისაგან შესყიდული ბინა, 630 ოჯახს საკუთრებაში გადაეცემა საცხოვრებელი სახლი სოფლად, ხოლო 50 ოჯახი დაკმაყოფილდება გრძელვადიანი საცხოვრებლით. ბიუჯეტით 110 დევნილ ოჯახს 20 ათასი ლარის ფარგლებში იპოთეკური სესხის დაფარვის მიზნით გაეწევა ფულადი დახმარება.

პირველი ვიცე-პრემიერის დიმიტრი ქუმსიშვილის ინფორმაციით, სულ 2018 წელს 2 220 ოჯახი დაკმაყოფილდება საცხოვრებლით.

კატეგორიები: პოლიტიკა

კომენტარები

მსგავსი სიახლეები