ერთი წლის თავზე MAN-ის 143-ვე ახალი ავტობუსი თბილისში ხაზებზე მოძრაობს. როგორც თბილისის სატრანსპორტო კომპანიაში ამბობენ,რომ ამით წარმატებით დაასრულა ავტოპარკის განახლების პროექტის პირველი ეტაპი.
დღეს, 15 სექტემბერს, ახალი ავტობუსები გავიდა #150 სამარშრუტო ხაზზე.
ახალი, ლურჯი ფერის გერმანული ავტობუსები დედაქალაქში 2016 წლის 6 ოქტომბრიდან გამოჩნდა. დღევანდელი მდგომარეობით, სატრანსპორტო კომპანიამ 11 სამარშრუტო ხაზზე, 12 თვის განმავლობაში, 143 ავტობუსი გაუშვა.
2017 წლის 31 მარტის მდგომარეობით, თბილისში 143-ვე ახალი ავტობუსი ჩამოსული იყო. ავტობუსების ხაზზე გაშვებასთან დაკავშირებით, დავით ნარმანიამ 2016 წლის 30 სექტემბერს განაცხადა, რომ “როგორც კი ჩამოვა ავტობუსები, მალევე შევლენ ხაზზე”.
“MAN-ის ტიპის ავტობუსებს სპეციალური ტექნიკური მომსახურება სჭირდება, რომელსაც, სრულად რომ დაიტვირთოს, ჩვენი ავტობაზები ვერ უზრუნველყოფს. ავტობაზის მშენებლობა გასული წლის ივნისში დაიწყო და წელს, დაახლოებით ივნისიდან სრულად მოემსახურება ყველა ავტობუსს,” .MAN-ის ავტობუსები მოძრაობენ #9, 14, 21, 24, 37, 39, 51, 61, 87, 88, 140 და უკვე 150 სამარშუტო ხაზებზე
