“ჩემთვის მიუღებელია ეს გაუთავებელი ბოიკოტი – პარლამენტში ან ხარ ან არა, ნახევრად ორსულად არ შეიძლება ადამიანი იყოს”
ჩემთვის აბსოლუტურად მიუღებელია ეს გაუთავებელი ბოიკოტი, შესვლა-გამოსვლა, ისევ შესვლა – პარლამენტში ან ხარ, ან არა, ნახევრად ორსულად არ შეიძლება ადამიანი იყოს, – ამის შესახებ ოპოზიციონერმა დეპუტატმა, გრიგოლ ვაშაძემ „ნაციონალური მოძრაობის“ მიერ საპარლამენტო ბოიკოტის დასრულების შეფასებისას განაცხადა.
მისი თქმით, ოპოზიციის ყველა წევრის ხმა უნდა ისმოდეს პარლამენტში.
„პარლამენტში მუშაობა ორსულობასავით ან ფულივით არის – ან გაქვს ან არ გაქვს. ასე გაგრძელება აღარ შეიძლება. ოპოზიციის ყველა წევრის ხმა უნდა ისმოდეს პარლამენტში, ყველა ერთად უნდა მოქმედებდეს, რომ ის კრიზისი, რაც მინიმუმ 6 წელია მძვინვარებს საქართველოში პოლიტიკაში, გადავლახოთ“, – განაცხადა გრიგოლ ვაშაძემ.
კატეგორიები:
პოლიტიკა
