ბერი გაბრიელ სალოსის ქუჩაზე, სპეცოპერაციის დროს დაზიანებული ბინების აღდგენას 300 000 ლარამდე დასჭირდება.

ბერი გაბრიელ სალოსის ქუჩაზე, სპეცოპერაციის დროს დაზიანებული ბინების აღდგენას 300 000 ლარამდე დასჭირდება.

ბერი გაბრიელ სალოსის ქუჩაზე, სპეცოპერაციის დროს დაზიანებული ბინების აღდგენას 300 000 ლარამდე დასჭირდება. როგორც თბილისის მერის მოადგილე ირაკლი ბენდელიანი აცხადებს, 8 ბინაში კოსმეტიკური რემონტის გარდა, საყოფაცხოვრებო ნივთების შეძენაც არის საჭირო, რადგან ისინი სრულად განადგურდა.

ამ წუთებში ადგილზე მერიის წარმომადგენლები მუშაობენ და მოსახლეობის კუთვნილი ავტომანქანები შეჰყავთ, რომლებიც სროლის დროს დაზიანდა. რაც შეეხება მცხოვრებლებს, მათი ნაწილ საკუთარ სახლებს უახლოეს დღეებში დაუბრუნდება.

სპეცოპერაციის დროს დაზიანებული კორპუსი საცხოვრებლად ვარგისია. ამის შესახებ თბილისის მერიის ლაბორატორიის უფროსმა ლაშა სამხარაძემ განაცხადა.

სპეცოპერაცია, 22 ნოემბერს დასრულდა. სახელმწიფო უსაფრთხოების სამსახურის ინფორმაციით, დაკავებულია 1 ადამიანი, ხოლო სამი მოკლულია. სპეცოპერაციისას დაკავებული პირი საედ დუდაევია.

სპეცოპერაციის დროს, სამართალდამცველებსა და ტერორიზმში ეჭვმიტანილებს შორის შეტაკებას ერთი სპეცრაზმელი ემსხვერპლა, ოთხი კი დაიჭრა.

აჰმედ ჩატაევმა, თბილისში, 22 ნოემბერს ბერი გაბრიელ სალოსის ქუჩაზე, კონტრტერორისტული სპეცოპერაციის დროს, თავი აიფეთქა. ეს ფაქტი, დამნაშავეთა ცხედრების ექსპერტიზის შემდეგ, საქართველოს უსაფრთხოების სამსახურში დაადასტურეს.

კატეგორიები: პოლიტიკა

კომენტარები

მსგავსი სიახლეები