არჩილ თალაკვაძის განცხადებით, არჩევნების დასრულების შემდეგ, ყველ პოლიტიკურ ძალას ექნება შესაძლებლობა, რომ საკუთარი იდეები განიხილოს მმართველ გუნდთან.
14 ოპოზიციური პარტიისგან შემდგარი ლიდერთა საბჭო მმართველ გუნდს ზეწოლაში ადანაშაულებს, ლიდერთა საბჭოში აცხადებენ, რომ საარჩევნო გარემო არათანაბარი და უსამართლოა. ლიდერთა საბჭოში გაკეთებულ განცხადებებს, მმართველ გუნდში უპასუხეს. უმრავლესობის ლიდერის არჩილ თალაკვაძის განცხადებით, არჩევნების დასრულების შემდეგ, ყველ პოლიტიკურ ძალას ექნება შესაძლებლობა, რომ საკუთარი იდეები განიხილოს მმართველ გუნდთან.
„ნაკლებად გვაინტერესებს რაიმე ტიპის შეთანხმებები ოპოზიციასთან, იმიტომ, რომ წინასაარჩევნო პერიოდში ოპოზიციური პარტიები არიან მხოლოდ და მხოლოდ ჩვენი კონკურენტები. როდესაც არჩევნები დასრულდება, დაბრუნდება ნორმალური სამუშაო რეჟიმი და ყველა ადამიანს, ყველ პოლიტიკურ ძალას, ვისაც მართლა სურს რაიმე პოზიტიური გააკეთოს საქართველოსთვის, ექნება შესაძლებლობა, რომ საკუთარი იდეები და პროექტები განიხილოს მმართველ ძალასთან“,-განაცხადა თალაკვაძემ.
