არჩილ თალაკვაძე: შთამბეჭდავია სამუშაოები, რომელიც რეგიონული განვითარებისა და ინფრასტრუქტურის სამინისტრომ წარმოადგინა

არჩილ თალაკვაძე: შთამბეჭდავია სამუშაოები, რომელიც რეგიონული განვითარებისა და ინფრასტრუქტურის სამინისტრომ წარმოადგინა

შთამბეჭდავია სამუშაოები, რომელიც რეგიონული განვითარებისა და ინფრასტრუქტურის სამინისტრომ წარმოადგინა,- ამის შესახებ  საქართველოს პარლამენტის თავმჯდომარემ არჩილ თალაკვაძემ საავტომობილო გზების დეპარტამენტის 6 თვის ანგარიშის წარდგენის დასრულების შემდეგ განაცხადა.

მისი თქმით, 200-ზე მეტი ახალი კომპანიაა შექმნილი და ამ პროექტებში 9 ათასზე მეტი ადამიანია დასაქმებული.

„წარმოდგენილია კომპლექსური შედეგები. გარდა იმისა, რომ ქვეყანას აქვს ახალი ინფრასტრუქტურა, გზები, ხიდები, ხდება თანამედროვე პროექტების და თანამედროვე ინფრასტრუქტურის განვითარება, ჩვენ ვხედავთ, რომ 200-ზე მეტი ახალი კომპანია არის შექმნილი და 9 ათასზე მეტი ადამიანი არის დასაქმებული ამ პროექტებში. ეს ბუნებრივია ჩვენი ქვეყნის და თითოეული ოჯახის ეკონომიკაზე დადებითად აისახება”,- განაცხადა არჩილ თალაჯვაძემ.

საავტომობილო გზების დეპარტამენტის მიერ 6 თვის განმავლობაში გაწეული საქმიანობის ანგარიში და ინფორმაცია 2019 წლის მნიშვნელოვანი ინფრასტრუქტურული პროექტების შესახებ, საზოგადოებას, პრემიერ-მინისტრმა მამუკა ბახტაძემ, ვიცე-პრემიერმა, საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა და საავტომობილო გზების დეპარტამენტის თავმჯდომარემ, ირაკლი ქარსელაძემ წარუდგინეს.

ღონისძიებას საქართველოს პარლამენტის თავმჯდომარესთან ერთად, პარლამენტისა და მინისტრთა კაბინეტის წევრები და დონორი ორგანიზაციების წარმომადგენლები ესწრებოდნენ.

კატეგორიები: პოლიტიკა

კომენტარები

მსგავსი სიახლეები