„2018 წლის დასაწყისიდან ქვეყნის ეკონომიკა ზრდას უფრო მაღალი ტემპით განაგრძობს, ვიდრე ეს გასულ წელს იყო“

„2018 წლის დასაწყისიდან ქვეყნის ეკონომიკა ზრდას უფრო მაღალი ტემპით განაგრძობს, ვიდრე ეს გასულ წელს იყო“

„2018 წლის დასაწყისიდან ქვეყნის ეკონომიკა ზრდას უფრო მაღალი ტემპით განაგრძობს, ვიდრე ეს გასულ წელს იყო“, – ამის შესახებ ფინანსთა მინისტრის მოადგილემ, ნიკოლოზ გაგუამ დღეს გამართულ ბრიფინგზე განაცხადა, სადაც მან ეკონომიკური ზრდის ტენდენციაზე ისაუბრა.

„ივნისის თვის მონაცემი, რეალურად, აჯამებს მეორე კვარტლის და წლის პირველი ნახევრის მაჩვენებელს. ჩვენ ამ პერიოდის განმავლობაში, გვაქვს საკმაოდ მნიშვნელოვანი გაუმჯობესება – პირველ კვარტალში ეკონომიკურმა ზრდამ შეადგინა 5,3%, ხოლო მეორე კვარტალში, ეს მაჩვენებელი უკვე 6%-ია. სახეზე გვაქვს მნიშვნელოვანი დაჩქარება და შესაბამისად, წლის პირველ ნახევარში ეკონომიკურმა ზრდამ შეადგინა 5,7%. აღსანიშნავია, 2018 წლის ეკონომიკური ზრდის მაჩვენებელი არის მნიშვნელოვნად მაღალი გასული წლის მაჩვენებელთან შედარებით, რომელიც იყო 5,0%  ასევე, ის მაღალია ჩვენ მიერ წლის დასაწყისში პროგნოზირებულ მაჩვენებელთან შედარებით, რომელიც შეადგენდა 4,5%-ს, რაც ხაზს უსვამს იმ პოზიტიურ დინამიკას, რომელიც გვაქვს ეკონომიკაში”, – განაცხადა ნიკოლოზ გაგუამ.

მისი თქმით, ეკონომიკაში პოზიტიური დინამიკის ერთ-ერთი მთავარი კონტრიბუტორია ექსპორტის გაზრდილი დინამიკა.

„ჩვენ მაისში გვქონდა, დაახლოებით, 50%-იანი ზრდა, ხოლო ივნისში გვაქვს 30%-ზე მეტი მაღალი ზრდა, ჩვენ გვაქვს მოლოდინი, რომ აღნიშნული დადებითი ტრაექტორია გაგრძელდება. მეორე მნიშვნელოვანი კონტრიბუტორი ეკონომიკურ ზრდაში, ეს არის ტურიზმის სექტორი, რომელიც ძალიან კარგი და დადებითი ტემპებით ვითარდება”, – აღნიშნა ფინანსთა მინისტრის მოადგილემ.

მისი განცხადებით,  ივნისის თვის ეკონომიკურ ზრდაში მთავარი დადებითი როლი ტრანსპორტის სექტორმა ითამაშა, რომელიც 17,8%-ით გაიზარდა, ასევე 17,8%-ით გაიზარდა სასტუმროები და რესტორნები, მაღალი ზრდა არის, ასევე, საფინანსო სექტორში, რომელმაც 17,6 პროცენტი შეადგინა.

კატეგორიები: ეკონომიკა

კომენტარები

მსგავსი სიახლეები